Әлеуметтік желіде қазақстандық актер Мәди Жолбасаровтың Көкшетау қаласында ұсталғаны туралы ақпарат тарады.
Полиция аталмыш ақпартты растады. Актерді тінту барысында оның пәтерінен электронды таразы, арнайы жабдықтар және жалпы салмағы 1,5 келіге жететін мефедрон мен «аlfa-PVP» синтетикалық есірткісі тәркіленді.
Құзырлы органдар сотқа дейінгі тергеуді бастады.– Қылмыстық әрекеттің дәлелдерін тереңдете зерттеу үшін күдіктінің телефоны тексеріліп, есірткі жасырылған орындардың нақты координаттары анықталды. Соның нәтижесінде 4500 доза есірткі айналымға түспей, дер кезінде тосқауыл қойылды. Тергеу барысында белгілі болғандай, күдікті бұған дейін отандық сериалдарға түскен. Ол өз кінәсін толық мойындап, қазіргі таңда уақытша ұстау изоляторына қамалды, – делінген хабарламада.
