6 айлық баласын өлтірген ер адам 10 жылға сотталды

«Әйелім үйден шығып кеткен еді, ал 6 айлық балам зал бөлмесінде жатып, айқайлай бастады. Мен ұлыммен серуендеуге шығып келдім, жолда ішімдік сатып алып, үйге қайттым. Баланы шешіндіре бастағанда, оның былғанған жөргегін көрдім, жөргекті шешіп, ұлымды жууға ас үйге бардым. Орамалдар басқа бөлмеде ілініп тұрды, жақын жерде болмады. Бала менің қолымда болды, содан кейін мен басқа бөлмеден орамал алып, оны сүрттім. Ас үйден шығып бара жатқанда, дәліздегі линолеумға шалынып, құладым. Бала менің қолымнан ұшып, шкаф пен қабырға арасындағы бұрышқа құлады. Мен оны лезде көтеріп алып, зал бөлмеге бардым. Баланың басы қабырғаға соғылғандай болды, содан кейін мен оны диванға жатқыздым. Кенеттен ол дірілдеп, көгере бастады. Мен қабырғаны жұдырығыммен қатты ұрғаным есімде, сол кезде не істеу керектігін білмедім, ұялы телефоным да болмады. Мен үйден жүгіріп шығып, көршілерге барып, көмек сұрадым. Олардан баланың жағдайын көруін өтіндім. Көрші әйел баланы көріп, жедел жәрдем шақыру керектігін айтты. Мен бәрі соншалықты ауыр деп ойламадым, масаң күйде болғандықтан, не болып жатқанын түсінбей, кейін есіме түсіре алмадым. Менде қатты соққы болды, ештеңе есімде жоқ. Менің жұбайым мені кешірмеді, әрине, мен оны түсінемін және мұның бәрін әрең қабылдадым. Бірақ мен бұл қылмысты қасақана жасамадым, бұл менің ішімдік ішкен күйіме байланысты болды, – деді ол.