ҰҚК экс-төрағасы Кәрім Мәсімовтің бұрынғы күйеу баласы Азамат Кәпеновке іздеу жарияланды, — деп хабарлайды Ozgeris.Info.
Бұл туралы ақпарат Құқықтық статистика және арнайы есепке алу органдарының порталында жарияланды.
Кәпенов 9 тамыздан бері іздеуде. Іздестіруді жүргізетін орган: Қазақстан Республикасының Сыбайлас жемқорлыққа қарсы іс-қимыл агенттігінің Шығыс Қазақстан облысы бойынша департаменті.
Азамат Кәпенов 46 жаста. Ол — «Қазтеміртранс» АҚ операция және логистика жөніндегі бұрынғы вице-президенті. Ол ҰҚК экс-төрағасы Кәрім Мәсімовтің қызы Тамилла Кәрімнің бұрынғы күйеуі.