Үлкен Алматы айналма жолымен (БАКАД) жүру ақысы екі есе қымбаттайды

Үлкен Алматы айналма автокөлік жолымен жүру тарифтерін екі есе ұлғайту жоспарланып отыр, деп хабарлайды ozgeris.info. "Ашық НҚА" порталында Көлік министрлігі бұйрығының тиісті жобасы пайда болды. Құжатқа сәйкес, жеңіл автомобильдер үшін жол жүру құны 0,07 АЕК-тен (275,24 теңге) 0,14 АЕК-ке (550,48 теңге) дейін өсетін болады. 16 жолаушыға дейін міне алатын және жүк көтергіштігі 2,5 тоннаға дейінгі автобустар мен жүк көліктері үшін жол жүру 0,08 АЕК-тен (314,56 теңге) 0,16 АЕК-ке (629,12 теңге) дейін қымбаттайды. 32 жолаушы орнына дейінгі автобустар мен 5,5 тоннаға дейінгі жүк автомобильдері үшін тариф 0,14 АЕК-тен (550,14 теңге) 0,28 АЕК-ке (1,1 мың теңге) дейін өзгереді. Ал сыйымдылығы 32 жолаушыдан асатын автобустар мен жүк көтергіштігі 10 тоннаға дейінгі жүк автомобильдері үшін баға  0,16 АЕК-тен (629,12 теңге) 0,32 АЕК-ке (1,2 мың теңге) дейін болады. Сонымен қатар, ай сайынғы және жылдық жол жүру билеттері де қымбаттайды. Құжат жобасы  2025 жылдың 14 ақпанына дейін талқылауға жіберіледі.