Орал қаласында автокөлік қағып кеткен жаяу жүргінші мерт болды.
БҚО полиция департаментінің баспасөз қызметінен мәлім еткеніндей, 19 мамыр күні жүргізуші «ВАЗ 21140» автокөлігімен Сарайшық пен Құрманғазы көшелерінің қиылысында бағдаршамның рұқсат етілген белгісіне бұрылу кезінде жаяу жүргіншіні қағып кеткен.
Тұрғындардың сөзіне қарағанда, 37 жастағы қыз екі күннен кейін ауруханада көз жұмған. Фото: freepik.com«Жаяу жүргінші Құрманғазы көшесімен жолдан өтіп бара жатқан. Жол апаты салдарынан ол түрлі жарақатпен ауруханаға жатқызылып, онда есін жимастан қайтыс болды. Аталған дерек бойынша қылмыстық іс қозғалып, тергеу амалдары жүргізіліп жатыр. Автокөлік арнайы автотұраққа қойылды», - деп хабарлады ведомстводан.
