Жүргізушілер дабыл қағуда: Алматыдағы жаңа жолайырықтың жағдайы адам шошытарлық

Алматыдағы Бұқтырма жол-көпірінің жағдайы мәз емес. Әлеуметтік желіде жүргізушердің Құлжа тас жолындағы жолайырықтың жағдайын көрсеткен видеолары пайда болуда, деп хабарлайды Ozgeris.info.

«Көліктеріміз бұзылуда. Әкім Ерболат Досаев бұл саған және сенің орынбасарларыңның назарына! Бұл не шұңқырлар?! Мен жаңа осы шұңқырға көлігімді ұрдым. Бұл жолайрық былтыр ғана ашылған. Асфальт жаңа болғанмен жағдайы мүшкіл. Осы себепті көліктер бұзылып, кептеліс туындайды», – деді Дамир есімді желі қолданушысы.

Ол видеода жолайрықты «Bazis Construction» ЖШС салғанын атап өтті. Құны – 20,2 млрд теңге. Жолайырық Алматының солтүс­тік-шығыс бөлігіне түсірілетін жүкте­мені азайтады деп жоспарланған болатын. Айта кетейік, бұған дейін Алматыда Құлжа тас жолын реконструкциялау жұмыстары басталған. Әкімдікте реконструкция жұмысындағы әрбір учаскенің ұзақтығы шамамен бір айға созылатынын атап өтті. Жолдың толық ені бойынша таңбалау және белгілер орнату арқылы қозғалысты осы жылдың 25 тамызына дейін ашу жоспарланған.