Жаңалықтар

Арқанмен қызын дәретханаға түсірген: Алматы облысында 2 бала құтқарылды

Арқанмен қызын дәретханаға түсірген: Алматы облысында 2 бала құтқарылды

29.07.2023

114

Бөлісу
Алматы облысында дәретханадан екі бала құтқарылды, деп хабарлайды «Өзгеріс» ақпараттық-сараптамалық порталы Төтенше жағдайлар министрлігіне сілтеме жасап.
"28 шілде күні сағат 18.45-де Алматы облысы ТЖД кезекші бөліміне Талғар ауданының Амангелді ауылындағы Әл-Фараби көшесінде бала дәретханаға құлап кеткені туралы хабарлама түсті. Оқиға орнына Алматы облысы ТЖД қызметкерлері дереу аттанды. Өрт сөндіру бөлімінен қашықтық 8 км болды. Оқиға орнына келгеннен кейін анықталғандай, 2020 жылы туған бала қазылған шұңқырға (дәретханаға) құлап, әкесі оны құтқару үшін арқанның көмегімен 2013 жылы туған қызын шұңқырға түсірген. Бірақ екі баланы өз бетінше көтеріп шығара алмағаны анықталды. Алматы облысы ТЖД 3 қызметкері мен техникасы күшімен сағат 18.54-те балалар шұңқырдан шығарылды", - делінген мәліметте.
Балаларға жедел медициналық жәрдем бригадасы алғашқы медициналық көмек көрсеткен.
Барлық жаңалық