Жаңалықтар

Ақмола облысында жедел жәрдем шақырған адам фельдшерге шабуыл жасады

Ақмола облысында жедел жәрдем шақырған адам фельдшерге шабуыл жасады

29.03.2025

47

Бөлісу
Степногорск қаласында жедел жәрдем фельдшеріне шабуыл жасаған жергілікті тұрғын 400 сағат қоғамдық жұмысқа тартылды, деп хабарлайды Azattyq Rýhy Ақмола облыстық сотының баспасөз қызметіне сілтеме жасап. Оқиға медицина қызметкерлері эпилепсия ұстамасы бар науқасқа көмек көрсетуге келген кезде болған. Айыпталушы жедел жәрдемнің кешігуіне наразылық білдіріп, фельдшермен сөзге келіспей қалған.
«Науқасты жедел жәрдем көлігіне ауыстырған сәтте әйел оның ішіне кіруге тырысқан. Алайда медицина қызметкері оған рұқсат бермеген, себебі ол науқастың жақын туысы болмаған. Сол кезде ашуға мінген әйел фельдшерді жұдырықпен ұрған», — делінген хабарламада.
Сот шешімімен айыпталушы кінәлі деп танылып, 400 сағат қоғамдық жұмысқа міндеттелді. Сонымен қатар, ол 90 мың теңге көлемінде материалдық шығын мен 500 мың теңге моральдық өтемақы төлеуге міндеттелді. Үкім заңды күшіне енген жоқ.
Барлық жаңалық