Алматыда екі бұрын сотталған азамат пәтерге баса-көктеп кіріп, тонау барысында үй иесіне ауыр дене жарақатын салды, деп жазады ozgeris.info сайты Orda.kz сайтына сілтеме жасап.
Оқиға түнгі шамамен сағат 2-де болған. Белгісіз адамдар ерлі-зайыптыларға қарақшылық шабуыл жасап, қорқыту арқылы олардың барлық құнды заттарын алып кеткен.
ІІМ мәліметінше, қаскөйлер пәтер иесін аяусыз ұрып, соның салдарынан ол ауыр халде ауруханаға жеткізілді. Дәрігерлер оның жағдайын тұрақсыз, ауыр деп бағалауда.
Көп ұзамай полиция жедел шаралардың нәтижесінде күдіктілерді қолға түсірді. Олардың қолында айтарлықтай көлемдегі ақша мен зергерлік бұйымдар болған.
