Әлеуметтік желіде Болат Назарбаев пен оның жұбайының бейіті орналасқан зираттан түсірілген видео тарады. Кадрларда олардың қабірлерінің жанынан жаңа, топырағы әлі құрғап үлгермеген бейіттің пайда болғаны байқалады, деп хабарлайды ozgeris.info.
Видео авторы үшінші мазардың нақты кімге арналғанын көрсетпесе де, желі қолданушылары бұл Сара Назарбаева болуы мүмкін деп болжауда. Мұндай пікірлердің тарауына 14 мамырда Сара Назарбаеваның көз жұмғаны туралы тараған бейресми ақпарат себеп болды. Алайда бұл ақпарат ресми түрде расталмады.
16 мамыр күні "Орда" порталы Нұрсұлтандағы Назарбаевтың резиденциясы маңында күзет күшейтілгенін хабарлаған болатын. Бұл жағдай көпшілік арасында түрлі жорамалдар туғызды.
Айта кетейік, Болат Назарбаев 2023 жылдың қараша айында дүниеден өтті. Оның жұбайының бейіті де сол маңда орналасқан. Енді олардың қасында пайда болған үшінші мазар әлеуметтік желіде жаңа сұрақтардың туындауына себеп болып отыр.
♬ оригинальный звук - Zerde
