"Болат Назарбаев оны қызғанды": Майра Ілиясова марқұм Мәдина Ералиеваның жеке өмірі туралы айтты (ВИДЕО)

Әнші Майра Ілиясова Динара Сәтжанға берген сұхбатында марқұм Мәдина Ералиева туралы сөз қозғады, - деп жазады ozgeris.info сайты. Сөзінше, ол Мәдина Ералиевамен дос болған. Сондай-ақ марқұм әншінің Болат Назарбаевпен қарым-қатынасын жылы қабылдағанын айтты.

"Мәдина Ералиевамен дос болдым. Жеке өміріне де куә болдым. Оның ол кезде жолдасы болған жоқ, ажырасып кеткен еді. Біз Болат(ред.) екеуін жақсы қабылдадық. Жалғыз өзі Арсенді өсірді. Арсенмен менің қызым жасты болды. Менің жолдасым Мәдинаның кластасы еді. Содан жақсы араластық. Болат Назарбаев(ред.) Мәдинаға қамқор болды. Оның қолы көп нәрсеге жетпей, шағын пәтерде тұрып жүргенде 150 шаршы метрлік пәтер берді. Оны қазақ елі білді. Болат Назарбаев өте жақсы көрді, сүйді. Қызғанатынын да естіп қалатынбыз. Мәдинаның өзі маған, үйде уақытында болмасам, ол кісі маған ренжіп қалады, деп айтқан еді. Бірге тұрған жоқ, бірақ қамқор болып келіп-кетіп жүретін. Ол кісі Мәдинаны сыйлап, әндерін, дауысын, өнерін жақсы көретін. Әр әншінің өз тағдыры бар. Өмір ғой", - деді Майра Ілиясова.