Жарнама және шығармашылық индустриясы ЖК-мен жұмыс істеуге кедергі келтіретін салықтық түзетулерді қайта қарауды сұрайды, деп хабарлайды ozgeris.info сайты bes.media порталына сілтеп.
Қазақстандағы жарнама және креатив саласының өкілдері ел басшылығына ашық хат жолдап, Салық кодексіне енгізілетін өзгерістерге алаңдаушылық білдірді.
Олар жеңілдетілген режимде жұмыс істейтін жеке кәсіпкерлерден (ЖК) қызмет сатып алуды, жалпыға бірдей белгіленген тәртіппен жұмыс істейтін бизнес үшін шығын ретінде есептеуге мүмкіндік беруді сұрайды.
Мәселе неде?
Салық кодексінің қазіргі жобасында жеңілдетілген режимдегі ЖК-ден алынған қызметтерді шығын ретінде есепке алу қарастырылмаған.
Бұл өзгеріс келесі салдарға әкелуі мүмкін:
-
ЖК үшін — B2B нарығында жұмыс істеу заң жүзінде мүмкін болмай қалады.
-
Агенттіктер мен продакшн-компаниялар үшін — шығындар кемінде 20%-ға өседі, мердігерлер шеңбері тарылып, процестер күрделенеді. Нәтижесінде ондаған видеограф, аниматор, дизайнер мен дыбыс режиссері нарықтан кетуі мүмкін.
Креатившілер не ұсынады?
-
Жеңілдетілген режимдегі ЖК-ге заңды тұлғалармен жұмыс істеу құқығын сақтау.
-
Заңды тұлғалар мен жалпыға бірдей тәртіптегі ЖК үшін жеңілдетілген ЖК-ден алынған қызметтерді шығын ретінде есепке алу мүмкіндігін қалдыру.
-
B2B сегментінде жұмыс істейтін ЖК үшін 6–8% аралығындағы жеке салық мөлшерлемесін қарастыру.
Ашық хат 19 маусым күні таңертең eotinish.kz платформасы арқылы Премьер-Министр Олжас Бектеновке, Сенат төрағасы Мәулен Әшімбаевқа, Мәжіліс төрағасы Ерлан Қошановқа, Мемлекеттік кеңесші Ерлан Қаринге және Президент Әкімшілігінің жетекшісі Айбек Дадебайға жолданған.
