Денис Никиша әлем чемпионатының екі дүркін жүлдегері атанды

Қазақстандық Денис Никиша шорт-тректен әлем чемпионатының екі дүркін жүлдегері атанды, деп хабарлайды Ozgeris.info. Спортшы Бейжіңде өткен әлемдік додада 500 метр қашықтықта жүлдегерлер қатарына қосылды. Финалда ол тек канадалық Стивен Дюбуаға жол беріп, күміс медаль жеңіп алды. Үздік үштікті нидерландиялық Йенс ван ’т Ваут түйіндеді. Алдыңғы әлем чемпионатында да Никиша осы қашықтықта күміс медаль еншілеген. Ол – ересектер арасындағы әлем біріншілігінде тұғырдан көрінген Қазақстан тарихындағы жалғыз шорт-трекші.