Білім және ғылым

4 және 9 сынып оқушыларының білім жетістігі сыналады – Шолпан Қаринова

4 және 9 сынып оқушыларының білім жетістігі сыналады – Шолпан Қаринова

18.04.2022

186

Бөлісу
Бүгін еліміздің 1447 мектебінде, бұл барлық мектептердің 25%-ы, оқушылардың білім жетістіктеріне мониторинг жүргізу басталады. Бұл туралы Білім және ғылыми министрінің бірінші орынбасары Шолпан Қаринова мәлімдеді, деп хабарлайды ozgeris.info тілшісі. Оған 4 және 9-сынып оқушыларының арасынан 112 мыңнан астамы қатысады. Мониторинг сәуірдің 29-на дейін жалғасады.
«Қатысатын мектептер кездейсоқ таңдау әдістемесімен анықталды. Бұл білім сапасын ішкі қазақстандық зерттеу. Мониторинг жүргізу заңға былтырғы жылы енгізіліп, биыл мектептерде алғаш рет өткізіледі. Ол мектеп базасында өтеді, оқушылардың математикалық, жаратылыстану және оқу сауаттылығы бағаланады. Оқушыларды арнайы дайындаудың қажеті жоқ»,– деді ол.
Айта кетейік, ББЖМ – білім сапасын сырттай тәуелсіз бақылау. Ол оқушылардың мықты және әлсіз жақтарын анықтай отырып, білім сапасын арттыру мақсатында оқушылардың біліміндегі олқылықтарды жоюды көздейді.
Барлық жаңалық