Биылғы қаңтар–тамызда негізгі капиталға 11,5 трлн теңге инвестиция салынып, өткен жылмен салыстырғанда 14,3 пайыз өсім тіркелді. Бұл туралы Ұлттық экономика вице-министрі Арман Қасенов мәлімдеді, деп жазады Ozgeris.info.
Ең жоғары өсім қаржы және сақтандыру қызметінде (204,1%), білім саласында (192,8%), өңдеуші өнеркәсіпте (134,3%), ауыл шаруашылығында (129,1%) байқалды.
Тәуелсіздік жылдарында елге тартылған тікелей шетелдік инвестициялар көлемі 465 млрд долларға жетті. 2025 жылдың бірінші тоқсанында олардың көлемі 6,6 млрд долларды құрап, былтырғы кезеңнен 6,2 пайызға көп болды.
