Қазақстандық шахматшы Бибісара Асаубаева Әзербайжанда өткен «Baku Open 2024» турнирінде 1-ші орынға ие болды, деп хабарлайды Ozgeris.Info.
Сүйінші жаңалықты ол Instagram желісіндегі парақшасында жариялады.
«Baku Open 2024» шахмат турнирі аяқталып, әйелдер арасында 1-ші орынға ие болдым! Қымбатты жазылушыларым, маған сенім білдіріп, қолдау көрсеткендеріңіз үшін алғыс білдіремін, сіздер ең үздіксіздер», — деп жазды шахматшы.
Шахматтан халықаралық турнир Әзербайжан астанасында 28 маусымнан бастап өтті. Қазақстандық шахматшы турнирдің жалпы есебінде 19-шы орынды иеленді, әйелдер санатында жеңіске жетті. Турнирдің жалпы жүлде қоры 50 мың долларды (шамамен 23 миллион теңге) құрады. Әйелдер арасында бірінші орын үшін Бибісара Асаубаева 1,5 мың доллар (720 мың теңге) ұтып алды.
Посмотреть эту публикацию в Instagram