Еуропа елдері, АҚШ және Украина арасында ортақ келісім орнату үшін барын салуда. Саясаттанушы Нұрболат Нышанбай сыртқы саясат туралы ойын білдірді.
Э. Макрон Вашингтонда Д. Трамппен кездессе, басқа еуропалық саясаткерлер В. Зеленскиймен келіссөздер жүргізіп, ортақ шешімге келтіруге тырысуда.
Келесі аптада Британия премьер-министрі К. Стармер Д. Трамппен кездеседі.
АҚШ-тың Ресеймен «жақындасуы» ЕО елдеріне аса ұнап отырмағаны анық. К. Стармер: «Егер Украинаны Ресейге «жығып берсек», олар территориялық экспансиясын одан әрі жалғастырады. Сондықтан біз бұл әрекетке біржола тоқтау қоюымыз керек,» – дейді.
Э. Макрон: «2014 жылы біз Ресеймен ортақ келісімге (Минск келісімі) қол жеткіздік, бірақ олар уәдесінде тұрмады. Бұл жолы тек келісім емес, нақты қауіпсіздік кепілдігі қажет,» – деп атап өтті.
Қорытынды баспасөз мәлімдемесінде Ресей мен Украина арасында жақын күндері түпкілікті бейбітшілік орнауы мүмкін екені айтты.
«Қалай болғанда да, ХХІ ғасырдың «Берлин қабырғасы» бұл жолы Украинаның шығысында салынуы мүмкін деп ойлаймын. Себебі, бүгін алғаш рет ЕО елдері қауіпсіздік кепілдігі ретінде бітімгерлік күштерін орналастыруға дайын екендерін айтты. Егер, ЕО мен АҚШ бірлескен әскері келіп, Шығыс Украинада арнайы аймақ құрса, «Берлин қабырағасынан» ешбір айырмашылығы болмас еді», — деді саясаттанушы.