Жекпе-жек алдында есінен талып қалған Жәнібек Әлімханұлы ауруханадан шықты

Ол салмақ қуам деп есінен танып қалған еді, деп хабарлайды Ozgeris.info.

"Әр қиындық артында жеңілдік бар! Салмақ қуу барысындағы сынақты да бастан өткізіп жатырмыз, ағайын! Уайымдап жатқан жанашыр жанның бәріне көп рақмет! Аллаға шүкір, ауруханадан шықтық. Денсаулық бірінші орында! Ауырмаңыздар, жақындарыңыз ауырмасын! Біз жауынгерміз ғой, мұндай сынақтар бізді сындырмайды, шыңдайды! Бұйыртса әлі талай әлемге қазақ стилін көрсетеміз! Қолдауларыңызға рақмет!", – деп жазды боксшы әлеуметтік желідегі парақшасында.

Ол жоспар бойынша ертең Жаңа Зеландия боксшысы Андрей Михайловичпен жекпе-жекке шығуы керек еді. Бірақ кездесу Жәнібектің денсаулық жағдайына байланысты өтпейтін болды.