2025 жылдың басынан бері Қазақстандағы тұрғын үй бағасы тоқтаусыз өсіп келеді. Бірақ шілде айында бұл қарқын сәл бәсеңдеді, деп жазады Ozgeris.info.
Halyk Finance сарапшыларының есебінше, қаңтар-шілде аралығында жаңа салынған үйлердің бағасы орташа есеппен 7,1%-ға, ал ескі үйлердің бағасы 6,3%-ға қымбаттаған.
Жаңа үйлер нарығында көш басында Павлодар тұр. Мұнда жыл басынан бері жаңа пәтерлер 18,9%-ға өскен. Дегенмен, шілде айында баға өзгермеген. Пәтер жалдау бағасы да аса қатты секірмей, жеті айда бар болғаны 2,3%-ға көтерілген. Сарапшылардың айтуынша, бұл уақытша тыныс алу кезеңі, жыл соңына қарай баға қайтадан жедел өсуі ықтимал.
Ескі үйлер нарығында жағдай әркелкі. Мысалы, Қарағандыда баға аздап төмендеп, 0,1%-ғакеміген, Қонаевта 1%-ға арзандаған. Бұл аймақтарда тұрғын үйге сұраныс біршама төмендеген болуы мүмкін. Ал Алматыда керісінше ескі пәтерлердің бағасы мықты қарқынмен өсіп, 17%-ғақымбаттаған. Бұл қаладағы халық санының артуы, көші-қон және инвестициялық сұранысқа байланысты.
Ел бойынша ескі үйлердің орташа өсімі 6,3%. Бірақ мамандар мұны уақытша құбылыс деп бағалап отыр. Құрылыс материалдарының қымбаттауы, инфляция және сұраныстың жандануымен жыл соңына қарай баға қайтадан жоғарылауы мүмкін.
