Жанабылов пен Толегенованың ұтыс дауы сотқа жетті. Tengrinews.kz хабарлауынша, блогерлер Ерболат Жанабылов пен Эльмира Толегенованың көлік пен смартфон ойнатуы төңірегіндегі жанжал енді сотта қаралады, деп хабарлайды ozgeris.info сайты.
18–21 тамыз аралығында олар 11 автокөлік ұтысын жариялады. Желі қолданушылары тікелей эфирді күтсе, орнына 30 мың теңгелік Zhana Business курсын сатып алу шарты қойылды. Бұл сынға ұшырап, мемлекеттік органдар араласуға мәжбүр болды. Туризм және спорт министрлігі: лотереяны тек ресми ұйымдастырушылар ғана өткізе алады, деп еске салды.
Жанабыловқа қатысты ӘҚБтК-нің 445-1-бабы бойынша хаттама толтырылып, материалдар сотқа жолданды. Толегеноваға қатысты тексеріс жалғасуда.
Адвокат Олег Чернов мұны лотерея емес, маркетингтік акция деп санайды. Оның айтуынша, ақшалар заңды тұлғаға түсіп, ұтыс та сол арқылы жүргізілген. Ол мысал ретінде сусын қақпақтарының астынан сыйлық шығатын науқандарды келтірді. Чернов ведомство “қоғамдық резонансқа сүйеніп жазалағысы келеді” дейді.
Ал сыншылардың пікірінше, ұтыс шарттары соңғы сәтте өзгерді, салық төлемдері мен жүлделердің берілуі күмән туғызды, сондай-ақ ақшаны қайтармау заңсыз болуы мүмкін.
Іс Жанабылов бойынша сотта қаралады, ал Толегеноваға қатысты шешім тексерістен кейін белгілі болады. Министрлік әлеуметтік желідегі ұтыстар заңға сай болуы тиіс екенін ескертті. Соған қарамастан, блогерлер Instagram-да ұтыстарын жалғастырып жатыр.
