"Алматыда кәсіпкерлер енді өз аумақтарын абаттандыруға міндетті, - деп хабарлады 23 қыркүйекте қала әкімінің баспасөз қызметі. - «Таза Қазақстан» бағдарламасы аясында қалалық нысандарды паспорттау басталды. Әрбір бизнеске тәртіп пен тазалықты сақтау талаптары көрсетілген абаттандыру паспорты беріледі".
Әкімдікте 5590-тан астам бизнес нысаны төлқұжаттауға жатады деп есептелді. Олардың 342-сі төлқұжат рәсімдеді.
"Жұмыстар келесі жылдың сәуір айында аяқталады, - деп уәде берді баспасөз қызметінен. - Құжатқа әкімдік пен кәсіпкер арасында қол қойылады, бұл үдерісті икемді және ашық етеді. Аудан әкімдіктері нормалардың сақталуын қадағалайды, ал бұзушылықтар үшін айыппұлдар қарастырылған".
Олар жаңа ережелер бұқаралық іс-шаралар өткізетін ұйымдарға да қатысты болатынын, оларға концерттер мен фестивальдерден кейін жинау жұмыстарын жүргізуге міндеттелгенін айтты.
