Алматы тұрғыны бастығының басын балтамен шаппақ болған

Алматыдағы құрылыс алаңындағы жанжал айуандықпен кісі өлтіруге апара жаздады: құрылысшылардың бірі өз бастығына балтамен шабуыл жасады. 18 маусымда әлеуметтік желілерде Алматыда құрылыс компанияларының бірінің 29 жастағы қызметкері жеке кикілжіңге байланысты 38 жастағы учаске басшысына шабуыл жасағаны туралы ақпарат пайда болды. Ол қару ретінде балта таңдады. Алдын ала мәлімет бойынша, зорлық-зомбылық көрсеткен құрылысшы өз бастығын мойын тұсынан жаралаған. Жәбірленуші ауруханаға жатқызылды. Алматы полиция департаментінің баспасөз қызметі шабуылды растады.

«Адам өлтіруге оқталу дерегі бойынша қылмыстық іс қозғалды. Күдікті ұсталып, уақытша ұстау изоляторына қамалды. Басқа мән-жайлар анықталуда», - деп хабарлады қалалық полиция департаментінің баспасөз қызметі.