Алматы облысының Жамбыл ауданында заңсыз пайдалы қазбаларды өндіру орындары анықталды, деп хабарлайды ozgeris.info сайты informburo.kz сайтына сілтеме жасап.
«Аудан аумағында көлемі шағын көлдерге тең келетін үлкен шұңқырлар қазылғаны белгілі болды», – деді қадағалау органында.
Тексеру барысында рұқсатсыз пайдалы қазбаларды өндірудің жеті дерегі тіркелді.
«Қоршаған ортаға залал келтіру белгілері бойынша сотқа дейінгі тергеу басталды, ал қазба жұмыстарына пайдаланылған техника айыптұраққа қойылды», – деп атап өтті прокуратура.
Заңсыз жер қойнауын пайдаланғаны үшін қылмыстық жауапкершілік қарастырылған. Егер құқықбұзушылық қылмыстық топпен жасалса, ерекше қорғалатын аумақта болса немесе аса ірі залал келтірсе, кінәлілер бас бостандығынан айырылып, мүлкі тәркіленуі мүмкін.
