«Әкесі де нөлден көтерілген»: «VIP» орыннан бас тартқан әкімнің қарапайымдылығы көпті сүйсінтті

10-шілде күні "Ордабасы" футбол клубы молдовалық "Петрокубпен" ойын өткізді. Осы тұста ойын тамашалауға келген Шымкент қаласының әкімі Ғабит Сыздықбековтің әрекеті көпті сүйсінтті, — деп хабарлайды Ozgeris.info. Әлеуметтік желіде тараған видеодан әкімнің арнайы орыннан бас тартып, халықпен бірге футбол тамашалағанын көруге болады. Бұдан бөлек, Ғабит Сыздықбековті танып, онымен қол алып амандасқандардың ісі де оқырман қауымына ерекше әсер сыйлаған. Видео бүгінде мыңға жуық пікір жинап үлгерген. Желі қолданушыларының бір бөлігі әкімнің бұл әрекетін пиар деп бағаласа, енді бірі шынымен өте қарапайым жан екенін айтып оны жақтай жөнелген.

"Шынымен осындай жан ба? Әлде ұпай жинап жүр ме?", "Әкімнің қарапайымдылығы ұнайды", "Ел қатарлы жеңілдеу киініп келгенде тіпті керемет болар еді", "Қарапайым болса автобуспен жүретін еді", "Нағыз халықтың адамы", "Шынымен қарапайым кісі, әкесі де нөлден көтерілген", деп өзара пікірталасқандардың қарасы көп.