Қазақ эстрадасының жарық жұлдызы Төреғали Төреәлінің отбасында қуанышты жағдай болды. Өнер иесінің алтыншы перзенті дүниеге келді, деп хабарлайды Ozgeris.Info
Қуанышты жаңалықты жұлдызды әкенің өзі Instagram-дағы парақшасында жария етті. «Ұлы дала баласы» келіншегімен перзентханада түскен суретін көрсетіп, көпшіліктен сүйінші сұрады.
«Алла деп бағындырдым биыл шыңды, Перзантхана екінші үйім сынды, Алтыншы рет бұйырды әке атану Алты Алаштан сұраймын сүйіншімді», — деп жазды Төреғали Төреәлі. Көпбалалы ата-ана әзірге сәбиінің жынысын жария етпеді. Желі қолданушылары ерлі-зайыпты бірден құттықтап, оларға ақ тілегін жарыса жолдап жатыр.