Қазақстан Президенті Қасым-Жомарт Тоқаевқа Республика күні қарсаңында әлемдік жетекшілер мен халықаралық ұйымдардың басшылары құттықтаулар жолдады, деп хабарлайды Ozgeris.info Ақорда баспасөз қызметіне сілтеме жасап.
Ресей Президенті Владимир Путин Қазақстанның әлеуметтік-экономикалық даму жолында сенімді қадамдар жасап, халықаралық аренадағы позициясын нығайтып келе жатқанын атап өтті.
Қытай Халық Республикасының Төрағасы Си Цзиньпин Қазақстандағы тұрақтылықты, экономиканың қарқынды дамуын және халықтың өмір деңгейінің көтерілуін мақтады.
АҚШ Президенті Дональд Трамп Қазақстанмен тығыз экономикалық байланыстар мен қауіпсіздік саласындағы ынтымақтастықты жоғары бағалады.
Франция Президенті Эммануэль Макрон екіжақты қатынастарды әртараптандыру және сенімге негізделген диалогты дамыту қажеттігін айтты.
Ұлыбритания королі Чарльз III достық қатынастар мен жемісті ынтымақтастықты жалғастыруға сенім білдірді.
Өзбекстан, Қырғызстан, Тәжікстан, Түрікменстан, Түркия және Әзербайжан лидерлері Қазақстанның экономикалық өсімі мен халықаралық аренадағы беделін атап өтіп, елмен серіктестікті нығайтуға дайын екендерін жеткізді.
