Желіде "ҚазАгроҚаржы" АҚ туралы 4 терабайт ақпарат сатылып жатыр, деп хабарлайды Ozgeris.info.
"Пробив" форумында "ҚазАгроҚаржы" АҚ компаниясы жайлы ақпарат жиымы сатылымға қойылды. Автордың айтуынша, жиымға компанияның деректер базасын қоса топ-менеджменттің дербес компьютерлеріндегі сақтық көшірме кіреді, барлығы 4 терабайт ақпаратты құрайды.
Ұйым «Бәйтерек» ұлттық басқарушы холдингіне кіреді. Қазақстан Үкіметінің бақылауында. Елдің Премьер-министрімен, қаржы министрімен және т.б. үлестес, - деп жазды автор.
Біздің редакция "ҚазАгроҚаржы" АҚ-ның пікірін білмекші болған, алайда компанияның БАҚ өкілдерімен байланысқа шыға алмады. Сондай-ақ, посттың авторынан ақпаратты қанша теңгеге сатып отырғанын да біле алмады.
