Нұрлан Сабыров бұрынғы министрмен бірге тойда көзге түсті (ВИДЕО)

Танымал әзілкеш Нұрлан Сабыровтың Астанада өткен тойдағы видеосы әлеуметтік желіде кең тарады, деп хабарлайды Ozgeris.info сайты. 

Әзілкеш елордалық кәсіпкер ұйымдастырған мерекелік кешке арнайы қонақ ретінде шақырылған. Шара Иман Әли мен Мұхаммед Әли есімді сәбилердің бір жасқа толуына орай өткізілген.

Желіде тараған кадрлардан Нұрлан Сабыровтың қонақтардың ду қол шапалағымен мейрамханаға кіріп келе жатқанын байқауға болады. Кейін той иесі оған дәстүр бойынша шапан жауып, құрмет көрсеткен.

Сондай-ақ бұл жиынға әзілкешпен бірге бұрынғы ішкі істер министрі Қалмұханбет Қасымовтың да келгені белгілі болды.