Қазақстандық кәсіпқой боксшы Жәнібек Әлімханұлы қарсыласын нокаутпен жеңді, деп хабарлайды "Өзгеріс" ақпараттық- сараптамалық порталынық тілшісі "Адырна" агенттігіне сілтеме жасап.
Отандасымыз IBF нұсқасы бойынша әлем чемпионы атанған Винченцо Гуальтьеримен тартысты бәсекеде қарсыласын нокаутқа жіберді.
Розенберг қаласында өткен былғары қолғап сайысында 30 жастағы Жәнібек Әлімханұлы алғашқы раундтарда басымдық танытып, қарсыласын соққыларымен есеңгіреткен. 12 раундқа жоспарланған кездесу 6-раунда аяқталды. Себебі Гуальтери қазақстандық спортшыға қарсылық таныта алмады, Сондықтан төреші жекпе-жекті тоқтатып тастады.
Мемлекет басшысы спортшыны жеңісімен құттықтап, қазақ бокс мектебінің жоғары деңгейде екенін атап өтті.
"Жәнібек Әлімханұлын WBO және IBF тұжырымдарынан әлем чемпионы атағы үшін өткен жекпе-жектегі жарқын жеңісімен құттықтаймын. Жәнібек қазақ бокс мектебінің жоғары деңгейі мен мықтылығын әлемге тағы да паш етті. Бұл жеңіс бокспен айналысатын жастарды биік белестерді бағындыруға ынталандырады. Сізге зор денсаулық, бақ-береке тілеймін. Жеңістен жеңіске жете беріңіз!", - деді Президент Қасым-Жомарт Тоқаев әлеуметтік желідегі парақшасында.Жәнібек Әлімханұлы германиялық спортшымен орта салмақта бокстасып, WBO және IBF белбеулерін иеленді. Бұл жерлесіміздің кәсіпқой бокстағы 15-ші жекпе-жегі болды.
