Жаңалықтар

Павлодарда жол апаты болып, салдарынан 2 адам көз жұмды

Павлодарда жол апаты болып, салдарынан 2 адам көз жұмды

09.11.2023

98

Бөлісу
Павлодарда жол апаты болып, салдарынан 2 адам көз жұмды. 8 қараша күні сағат 21.00-де Астана – Павлодар автожолында Lada көлігінің жүргізушісі қауіпсіз қозғалыс жылдамдығын таңдамай, өз көлігін жөндеп жатқан КамАЗ көлігінің жүргізушісін қағып кеткен. Осыдан кейін Lada автокөлігі КамАЗ көлігінің артқы жағынан соққан.
Жол-көлік оқиғасы салдарынан КамАЗ жүргізушісі мен Lada көлігінің жолаушысы оқиға орнында алған жарақаттарынан қайтыс болды. Жеңіл автокөліктің кәмелетке толмаған жолаушысы жарақат алып ауруханаға жатқызылды, – деп хабарлады Павлодар облысы полиция департаментінің баспасөз қызметі.
ЖКО фактісі бойынша тексеру жүргізілуде, сараптама тағайындалды. Автокөліктер айыппұл тұрағына қойылды.
Барлық жаңалық