Каспий теңізінде оқу-жауынгерлік міндетін орындау кезінде жоғалған тағы екі әскери қызметшінің денесі табылды. Олардың аты-жөні де белгілі болды, деп хабарлайды Ozgeris.info.
Қорғаныс министрлігінің мәліметінше, бүгін, 25 қыркүйекте сағат 09:15 шамасында үздіксіз жүргізілген іздестіру-құтқару жұмыстары барысында сержант Мансұр Гумаров пен матрос Мирас Тұрдыбекұлының денесі табылған.
Осылайша, бұған дейін із-түзсіз жоғалған екі әскери қызметшінің тағдыры анықталды. Іздестіру-құтқару операциясы аяқталды.
Еске салайық, қайғылы жағдай оқу-жауынгерлік міндетті орындау кезінде ауа райының күрт нашарлауынан болған. Соның салдарынан 17 әскери қызметші ашық теңізге кеткен.
Олардың үшеуі құтқарылып, 14 әскери қызметші қаза тапты.
