«Жекпе-жек өнерін меңгерген»: Қызылордада қыздар төбелесі видеоға түсіп қалды

Қыздар төбелесі видеоға түсіп қалды. Бұл жолы Қызылордада түсірілген бейне жергілікті қоғамдық парақшаларда тарады, деп хабарлайды Ozgeris.info. Кадрлардан екі қыздың төбелесіп жатқаны, олардың бірі жекпе-жек өнерінің бір түрін анық білетіні байқалады. Ол бар күшімен екіншісіне жұдырық жұмсап, тепкені көрінеді. Екіншісі болса аяқ киімді лақтырып, өзін қорғауға тырысады. Кейін сол маңдағы жігіт қыздарды ажыратпақ болады. Төбелес полицейлер келгенде тоқтайды. Полицейлер қыздардың жеке басын анықтаған. Төбелеске қатысты тергеу басталды.

"Қызылордалық полиция қызметкерлері бұзақылық әрекетті тоқтатты. Барлық қатысушылар анықталып, полицияға жеткізілді. Оқиғаның мән-жайы анықталып жатыр", - деп хабарлады облыстық Полиция департаментінің баспасөз қызметі.