Ең көне Сарайшық қалашығын су басу қаупі төніп тұр

Атырау облысында су тасқыны қаупі сақталуда. Индербор және Махамбет ауылдарына жақын орналасқан гидробекеттерде судың деңгейі қауіпті белгіден асып түсті. Жайық өзенінде деңгей одан әрі көтеріледі деп күтілуде. Барлық қауіпті учаскелерде тәулік бойы кезекшілік ұйымдастырылған. Апатқа қарсы күреске жергілікті тұрғындар, еріктілер мен түрлі кәсіпорындардың қызметкерлері белсене қатысуда. Индер ауданында жер бөгеттерінің жалпы ұзындығы 30 км құрады. Махамбет ауданында Жайық өзенінің бойында 17 елді мекен орналасқан. Оларды қорғау үшін 80 шақырым жағалауды нығайтатын бөгеттер салынды. Махамбет ауданының әкімі вице-премьер Қанат Бозымбаев Жайық өзенінің бойындағы бөгетті Сарайшық қалашығының бойына қосымша тұрғызуды тапсырды.

"Осы мақсатта мұнда Қорғаныс министрлігінің ондаған техникасы мен жеке құрамының жүздеген адамдары орналастырылады. Тарихи мұрамызды қорғауға және сақтауға жауапкершілікпен қарау қажет ", - деп тапсырды Қанат Бозымбаев.