Елена Рыбакина "Уимблдон" турнирінің жартылай финалына шықты

Қазақстанның бірінші, әлемнің төртінші ракеткасы Елена Рыбакина "Уимблдон" турнирінің ширек финалындағы матчын өткізді, деп хабарлайды Ozgeris.info. Қазақстандық теннисші бұл айналымда украиналық теннисші, әлемнің бұрынғы 3-ракеткасы, 17 WTA турнирінің чемпионы, Токиодағы Олимпиада ойындарының қола жүлдегері Элина Свитолинамен кездесті. Елена Рыбакина қарсыласын 6:3, 6:2 есебімен жеңді. Ол 1 сағат бір минутқа созылған матч кезінде жеті эйспен бірге алты брейк-пойнттың төртеуін өз есебіне жазды. Енді Рыбакина турнирдің финалына шығу үшін латвиялық Елена Остапенко мен чехиялық Барбора Крейчикова арасындағы матчтың жеңімпазымен кездеседі.