"Димашты мақтаған жалғыз адам". Желі қолданушылары Жеңіс Ысқақованың шыншылдығына риза болды

Белгілі әнші Жеңіс Ысқақова шәкірті Димаш Құдайбергеннің қарапайымдылығы туралы айтып, көптің сүйіспеншілігіне бөленді, деп хабарлайды Ozgeris.info тілшісі.

"Димаш Құдайберген Қытайға кеткен кезде "Шабыттың" студенті болатын. Мен де сол жерде жұмыс істейтінмін. Димаш жұлдыз болғанға дейін оны сүйрелеген өзінің әкесі мен шешесі. Тіпті кейбірі айқайлау ғана білесің, ән айта алмайсың деді. Ерекше дауыс иесі. Оның көркем мінезі сонау түбірде, тәрбиеде жатыр. Димаш Қытайдан жүлдесін алып, сабаққа келді. Кіммен жүрсің дегенімде жалғыз өзім жүрмін дейді. Сол кезде: саған жалғыз жүруге болмайды, өйткені сен бұйырса, Майкл Джексон сияқты боласың дегенімде, апай, қойыңызшы деп ыңғайсызданды. Сол кезде ол барлық Қытайды аузына қаратып тұрған. Бұл оның тәрбиесі мен мәдениетінің биіктігі. Әлем таныса да қалпын жоғалтпай тұр. Ол өзін дәлелдеді, өзін мойындатты", деді ол.

Желі қолданшылары болса, өз елімізде Димашты ешкім бұлай мақтамағанын жарыса жазды. "Сізден басқа ешбір әнші Димашты мақтаған емес, жарайсыз", "Әншілердің ішінде ең шыншыл адам осы Жеңіс ханым. Жөн сөйлейді", "Димаш туралы осы шындықты ұзақ күттік. Оны бағалау керек", "Өте керемет айттыңыз", "Жаса, Жеңіс", деп жазды жұрт.