Олимпиадада гимнастикадан күміс медаль иеленген Нариман Құрбанов Парижден оралған спортшыларға көрсетіліп жатқан сый-құрметке қатысты пікір білдірді, деп хабарлайды Ozgeris.Info.
«Алматыға үйге келгеннен кейін қатты абдырап қалдым, себебі мені жанкүйерлер күтіп алды. Камера көп болды. Мен қайда барарымды, не істерімді, не айтарымды білмей абдырап қалдым. Жанкүйерлермен кездесу өте жақсы өтті. Достарыма және жақындарыма қолдау білдіріп, құттықтап келді. Бәріне ризамын», — деді Құрбанов.
Желіде олимпиада жүлдегерлеріне беріліп жатқан сыйлықтар мәселесі қызу талқыланып жатыр. Жанкүйерлер Нариман осындай сыйлықтардан құр қалды деп санайды. Спортшы осы тақырыпқа қатысты пікір білдірді.
«Көптеген пікір оқыдым, онда олар мені бөліп жарған, көлік те, пәтер де берілмеді деп жазып жатыр. Жанкүйерлерге осындай қолдау көрсетіп жатқандарына алғысым шексіз. Алайда мен уақыт келетініне, ол дүниенің бәрін алатыныма сенемін. Егер тағы бір нәрсе қажет болып жатса, оған ақшаны еңбектеніп табамын. Әзірге айтарым қазір өмірімде болып жатқанның бәрі мені шынайы бақытты етіп жатыр»,-деп жауап берді гимнаст.