Күзде V Дүниежүзілік көшпенділер ойындары кезінде Димаш Құдайберген жеке ән кешін өткізеді. Бұл туралы әншінің өзі Instagram парақшасында жазды.
«Құрметті достар! Биыл Астанада 8-14 қыркүйек аралығында V Дүниежүзілік көшпенділер ойындары өткізілмек. Дүние жүзінің 100 ден астам мемлекетінен түрлі сайыстарға қатысу үшін 4 мыңнан астам спортшылар келеді деп күтілуде. Осы әдемі мереке аясында ҚР Мәдениет және ақпарат министрлігінің қолдауымен , «ДимашАли» шығармашылық орталығының ұйымдастыруымен «Астана аренада» менің «Stranger» атты жеке концертім өтеді. Концертте кездесейік, достар!» — деді әнші.
Билеттер сатылымына қатысты ақпарат жақын күндері беріледі.