Coca-Cola Ресейдегі қызметін тоқтататынын мәлімдеді. Бұл туралы компанияның ресми сайтында жазылды, деп хабарлайды ozgeris.info порталы Stan.kz сайтына сілтеме жасап.
«Біз жағдайды бақылап, оқиғаның өрбуіне қарай бағалауды жалғастырамыз», – делінген хабарламада.
Холдингтің Ресейде тікелей өндірісі жоқ.
The Coca-Cola Company кеңсесі тек маркетингпен айналысады. Барлық зауыттарға Coca-Cola Hellenic Bottling Company иелік етеді. 3 наурызда бұл компания Украинадағы Қызыл Крест комитетіне 1 миллион еуро бергенін мәлімдеді. Бұл елдегі қызметкерлер үшін көмек қоры ашылды.
2021 жылы Coca-Cola HBC 373,3 миллионнан астам сусын шығарды (case units), бұл 23-тен астам елдің жалпы өндірісінің 26,5% құрайды.
Сонымен бірге, PepsiCo холдингі Ресейде сусындарды сатуды уақытша тоқтататынын, инвестициялық бағдарламалар мен жарнамалық қызметті тоқтататынын мәлімдеді.
PepsiCo, Inc. компаниясы ол өзінің алкогольсіз сусындарын Ресейде сатуды тоқтатты деп мәлімдеді. PepsiCo Совет Одағы ыдырағанға дейін сауда жасауға рұқсат етілген аздаған батыс компанияларының бірі болды.
Компания Ресей нарығында сүт, нәресте қоспалары және балалар тағамы сияқты қажетті заттарды сатуды жалғастыратындарын айтты.
Оған қоса, америкалық әлемдегі ең ірі кофеханалар желісі Starbucks Corp. Ресейдегі бизнесті, оның ішінде өз өнімдерін елге жеткізуді тоқтатады.
Бұған дейін Ресейде KFC және Pizza Hut брендтеріне ие Yum! Brands корпорациясы елдегі инвестициялар мен дамуды тоқтата тұрғанын хабарлады.
Yum! Brands Ресейден тапқан пайданы гуманитарлық қызметке бағыттауға уәде берді.
«Әлемдегі көптеген адам сияқты, біз Украинадағы қайғылы оқиғаларға таңғалып, қайғырып отырмыз. Yum! Brands Ресейдегі барлық инвестициялар мен мейрамханалардың дамуын тоқтатты, ал біз қосымша даму тетіктерін қарастыруды жалғастырамыз», – деді компания.
Yum! Brands мәліметтері бойынша Ресейде 1000-ға жуық KFC және 50 Pizza Hut мейрамханалары бар.
Осыған ұқсас, McDonald’s Украинадағы шабуылға жауап ретінде Ресейдегі барлық 850 мейрамхананы уақытша жабатынын мәлімдеді.
McDonald’s президенті және бас директоры Крис Кемпински қызметкерлерге ашық хатында Ресейдегі барлық фаст-фуд мейрамханаларының жабылғанын хабарлап, бұл шешім дұрыс екенін атап өтті. Компания Ресейде 62 мың қызметкер ақысын төлеуді жалғастыратындарын айтты.
McDonald’s президентінің айтуынша, компания қызметін уақытша тоқтатады, бірақ әзірге жұмыстың жандану уақыты белгісіз.
ozgeris.info порталы