Ұшқышсыз ұшу аппаратының қалдықтары Жәнібек ауданында елді мекендерден алыс жерден табылды, деп хабарлайды Ozgeris.info тілшісі ORDA порталына сілтеп.
Алдын ала ақпарат 24 наурыз кешінде пайда болды, ал бүгін таңертең бұл деректі Батыс Қазақстан облысының ПД растады.
«Уәкілетті қызметтермен бірлесіп, дрон фрагменттеріне ұқсас заттардың табылуы бойынша тексеру жүргізіп жатырмыз», – деп хабарлады департамент өкілдері.
Құлаған дронның кімге тиесілі екені әлі белгісіз. Полиция оқиғаның мән-жайын анықтауда.
Бұл – Батыс Қазақстан облысы аумағында құлаған үшінші дрон. Ақпан айында дрон Бөкей ордасы ауданынан, ал бір апта бұрын Тасқала ауданынан табылған.