Қазақстан Республикасында 2020 жылдан бері 270 сарбаз қайтыс болды. Оның басым бөлігі өзіне қол жұмсаған, немесе өлтірілген болса, қалғаны денсаулыққа байланысты көз жұмған делінеді. Ozgeris.info бұның себептерін анықтауға тырысуда.
Біздің тілшімізге әскерден жақында қайтып келген сарбаздың айтуынша, медициналық байқау кезінде аурулары бар адамдарды «сау» деп әскерге жібереді.
Менің өт ауруым бар сияқты. Менде гастроэнтерологқа бару ұсынысы болды, бірақ әскери комиссариатта (Военкомат) жұмыс істейтін адам ол ұсыныстарды қиып тастап, шағымы жоқ адамды сияқты жіберді. Ол менің орныма өзінің зәрін тапсырған көрінеді, себебі менен оларды сұраған жоқ.
Бір балада бүйрек тастары табылды. Ол «тастар бар деген жазуды алып тастаңызшы» деп сұрады, ақыры көп ұзамай оны әскерден босатуға мәжбүр болды.
Сондай-ақ, әскерге психиатриялық психикалық ауытқуы бар сарбаздар да түсе алатыны айтылды. Мұндай адамдар өмірге қауіп төндіреді.
Әскерге келгенде, бір сарбаздың көзінің қарашығы үлкейіп кетті. Үнемі айналасында не болып жатқанын түсінбей жүретін. Сержанттар «бұйрықтарды орындамасаңдар, таяқ жейсіңдер» деп еді, ол бала қорқып, бұрышқа отырып қалды. Ешкіммен сөйлеспеді, ақыры бір бала онымен сөйлескенде, оның психикалық ауытқуы бар екенін, соны біле тұра оны әскерге жібергенін айтты. Оған айқайласа, не істерін білмей қалады.
Полигонда жүргенде, «Бәрін атып тастасам, не болады екен?» деді. Полигонда офицер мен сержанттарда қару жоқ, оның бізді атып тастауы әбден мүмкін болды, ешкім бізді қорғай алмайтын еді.
Ол басында әскерден қашқысы келді, бірақ оның алдында басқа бала қашып, оны жындыханаға жатқызды. Соны білгеннен кейін қашуға қорықты.
Еске сала кетейік, Маңғыстау облысындағы «Оймаша» полигонында қатардағы жауынгер Марат Барқұловтың бетіне оқ тиіп, қайтыс болды. Прокуратураның айтуынша, қорғаныс министрлігі әскери бөлімдерінің біріндегі взвод командирі байқаусызда оқ атты. Алайда, бұл жағдай байқаусызда болғанына марқұм Мараттың әкесі сенбейтінін айтты. Батыс өңірлік әскери-тергеу басқармасы «қасақана кісі өлтіру» оқиғасы бойынша сотқа дейінгі тергеу бастаған.