Биылғы жылы лагерьлерден орын бөлуде басымдық беріліп отыр. Бұл туралы Үкімет отырысында Білім министрі мәлімдеді.
«Су тасқынынан зардап шеккен және ауа райының қолайсыздығына байланысты қыста қашықтықтан оқытуды аяқтаған 2622 мектептің 832 мың оқушысы үшін 27-31 мамыр аралығында жазғы мектеп ұйымдастырылады. Жазғы мектепті ұйымдастырудағы басты мақсат – оқушылардың біліміндегі олқылықтарды толтыру арқылы білім сапасын арттыру», — деді Бейсембаев.
Оның айтуынша, жалпы республика бойынша 2,9 миллион бала жазғы демалысын 10 743 демалыс орнында өткізеді.