Екі адам Актөбедегі дүкенде оттегі баллоны жарылып, өрт кезінде жарақат алды, деп хабарлайды ozgeris.info.
Көпқабатты тұрғын үйге жапсарлас салынған дүкенде өрт шығып, оттегі баллоны жарылған. Оқиға салдарынан екі адам күйік алып, ауруханаға жеткізілді.
Төтенше жағдайлар министрлігінің мәліметінше, өрт сөндірушілер жоғары дәрежедегі шақырту бойынша жеткен. Олар дүкеннің ағаш шатыр құрылымдарының жанғанын және құтқарушылар келгенге дейін баллонның жарылғанын анықтады.
Өрт ошақтары шатырды ашу кезінде табылып, жалпы 100 шаршы метр аумаққа таралған. Қазір тілсіз жау толықтай сөндірілді.
