Астанада Қазақстанда АЭС салу мәселесі бойынша жария талқылауларда ЖЭК-тің атом энергетикасы алдындағы басымдығы, сондай-ақ ядролық қалдықтардың қауіпсіздігі туралы пікірталас өрбіді, деп хабарлайды Ozgeris.info.
АЭС құрылысына қарсылардың бірі келтірген дәлелдерге «ҚР Ұлттық ядролық орталығы» РМК бас директоры Эрлан Батырбеков жауап берді.
«Мен атом энергетикасына деген қызығушылықтың төмендеуімен келіспеймін. Сандар келтірілді: 59 станция салынуда. Бұл экономикасы дамыған ірі елдер. Радиоактивті қалдықтарға келетін болсақ: 1 ГВт қуатқа 50 текше метр радиоактивті қалдықтар. Салыстыру үшін, дәл осындай қуаттылықта көмір станциясы 200-300 мың тонна қалдық шығарады. Біз қандай қалдықтар туралы айтып отырмыз?! Сонымен қатар, сіз қалдықтарға жатқызатын ең маңызды бөлік – жылу шығаратын жинақтар. Бұл қалдықтар емес, тұйық отын циклі мәселесі шешілген кезде реакторларда кейінірек қолданылатын кейінге қалдырылған энергетикалық шешім. Қазірдің өзінде МОКС отыны жұмыс істейді. Бұл болашақтың энергиясы. Бұл пайдаланылған ядролық отынды пайдалану», — деп атап өтті сарапшы.