Қазақстандық теңге долларға шаққанда құлдырап, қайтадан 490 теңгеден жоғары деңгейге жетті, деп хабарлайды ozgeris.info.
Өткен айда теңгенің әлсіреуі медиа кеңістікте кеңінен талқыланып, Ұлттық банк түсініктеме берген еді. Алайда қазіргі жағдай қазақстандықтар үшін үйреншікті құбылысқа айналды.
Сарапшылар теңгенің әлсіреуін ішкі емес, сыртқы факторлармен түсіндіруде. Теңгеге ең алдымен әсер етуші фактор – АҚШ долларының нығаюы. Трамптың жеңісі туралы жаңалықтардан кейін доллар индексі (DXY) 105.45 деңгейіне дейін көтерілді. Сонымен қатар, мұнай бағасының айлық 10%-ға төмендеуі де теңгеге кері әсерін тигізуде, мұнай баррелі 71 доллардан төмендеп кетті. Сарапшылар бұл құбылысты Қытайдан келетін сұраныстың азаюына байланысты деп болжауда.