Өзінен алты жас үлкен әйелге үйленген танымал жас әнші Ринат Шамшырақтың шаңырағы шайқалғаны белгілі болды. Бұл туралы әншінің бұрынғы әйелі блогер әрі визажист Аружан Төре баяндап берді, деп хабарлайды ozgeris.info.
Аружан Төре TikTok парақшасындағы жазбасында Ринатпен қарым-қатынасының дұрыс емес екенін ашық айтты.
«Ақыры ажырасу туралы басталыпты. Осы уақытқа дейін кім не десе де үндемей шыдап келдім. Мен жылап, депрессияда отыратын адамдардың қатарында емеспін. Бірден осындай шешімге келген жоқпын. Ұзақ ойландым. Енді бұрынғыдай жасырып қалатын нәрселерді жасырып, жақсы көрсетуге тырыспаймын. Оның отбасында бір адамға не істесем де жақпадым. Екі жастың ортасына ешкім басын сұқпау керек. Мен жалғыз емеспін. Өсіп келе жатқан ұлым үшін өмір сүремін», — деп жазды Аружан Төре.
Блогер әрі кәсіби визажистр әншінің өзіне қол көтергенін де жасырмады.
«Тұрмысқа таяқ жеу үшін шыққан жоқпын. Біздің ажырасуымыздың себебі — осы. Әрбір әйел бақытты болуға лайықты. Менің жүрегім тыныштықты қалайды. Күнде қырғынмен өмір сүргім келмейді. Осыған дейінгінің бәрі өтті, бітті. Қосылмаймыз, қосылмаймын да! Маған енді ұят емес!», — деп жазды ол.