ШҚО-да кәмелетке толмағандарға зорлық-зомбылық көрсету ісі тергеліп жатыр. Күдіктілер қатарында екі ер адам бар, олардың бірі – экс-полицей. Бұл туралы Письма Президенту Telegram арнасында хабарланды.
Постта Шығыс Қазақстан облысы Алтай ауданының полиция бөлімінің тергеушілері 29 жастағы Нұрбек Дәурен мен 35 жастағы Асқар Жұмағұловқа қатысты қылмыстық істі тергеп жатқаны айтылған.
Олар 16 жасқа толмаған екі кәмелетке толмағанға қатысты бірнеше рет сексуалдық сипаттағы әрекеттер жасады деген күдікке ілінді.
Каналдың мәліметінше, қылмыс жасалған кезде Жұмағұлов қызметтік міндетін атқарып жүрген полиция қызметкері болған.
Ішкі істер министрлігінің баспасөз қызметі CMN.KZ тілшісіне былай деп хабарлады:
Аталған факт Шығыс Қазақстан облыстық полиция департаменті қызметкерлерімен анықталды. Қазіргі уақытта қылмыстық іс қозғалып, күдіктілер уақытша ұстау изоляторына қамалды.
Сонымен қатар, А.Жұмағұлов теріс себептермен ішкі істер органдарынан шығарылғанын хабарлаймыз. Қазір барлық мән-жайларды анықтау үшін кешенді тергеу амалдары жүргізілуде.