“Сенімім бәрінен биік болды”: Жұлдыз Әбдікәрімова қызына жылы лебізін білдірді

Актриса, әнші Қайрат Нұртастың жары Жұлдыз Әбдікәрімова тұңғыш қызының мектеп бітіруіне орай жүрек тебірентер жазба жариялады, деп хабарлайды ozgeris.info сайты Azattyq Rýhy сайтына сілтемемен. Ол қызына арнаған жазбасында бірге бастан өткерген сынақтарды, толқулар мен қуанышты сәттерді еске алып, түлектік маңызды күнмен құттықтады.

– Сезім, қызым! Бұл күн – екеуміз үшін де ерекше мәнге ие. Бір жыл бойы түрлі сынақтар мен эмоцияларға толы сәттерді бірге өткіздік. Енді міне, сол еңбектің нәтижесін көретін кез келді. Қадамың сәтті болсын! 11-сыныпқа өткен күннен бастап, менің толқуым тоқтамады. Алайда, ана ретінде уайымдағаныммен, саған деген сенімім бәрінен биік болды. Сенің қасыңда жүріп, мен де есейіп, дамыдым. Құрметті түлектер, бәріңізге ақ жол! – деп жазды ол әлеуметтік желіде.