Қостанай облысында бірнеше бойжеткенді зорлады деген күдікпен ер адам қамауға алынды, деп хабарлайды Ozgeris.info тілшісі «ПИСЬМА ПРЕЗИДЕНТУ» Telegram арнасына сілтеп.
Полицияның мәліметінше, күдікті қыз-келіншектерге қарызға ақша берген. Ал олар қайтаруға мүмкіндігі болмаған кезде, интимдік қатынас арқылы өтеуді талап еткен. Кейбірі бас тартқан кезде, ер адам оларды күштеп жыныстық қатынасқа итермелеген болуы мүмкін.
Тұрғындар арасында күдіктінің жергілікті блогер екені туралы қауесет тарады. Бірақ бұл ақпарат ресми түрде расталған жоқ.
Полиция өкілдері зардап шеккендер арасында кәмелетке толмағандар жоқ екенін мәлімдеді. Қазір күдікті қамауда. Тергеу жүргізіліп жатыр, сараптамалар тағайындалған. Егер кінәсі дәлелденсе, ол 9 жылдан 12 жылға дейін бас бостандығынан айырылуы мүмкін.