Елімізде бірыңғай мемлекеттік петиция платформасы іске қосылғалы көп уақыт болмады. Әлі де болсын қазақстандықтардың көбі петицияға қалай дұрыс қол қоюды білмей жатады. Осы орайда Оzgeris.info тілшісі нұсқаулық дайындады.
Петиция — мемлекеттік органға жіберілетін ұжымдық хабарламалар, үн қосу немесе ұсыныс. Осы уақытқа дейін қазақстандықтар көптеген онлайн-петициялар құрды, бірақ олардың заңды күші болған жоқ. Мемлекет басшысының «Қоғамдық бақылау туралы» заңына қол қоюымен epetition.kz бірыңғай сайты құрылды. Егер 6 ай ішінде ҚР азаматтары 50.000-нан астам қол жинаса, мемлекеттік органдар петицияны қарауға міндетті болады. Әзірге петицияға тек компьютер арқылы қол қоюға болады. Төменде біз бұны қалай дұрыс жасауға болатынын сипаттадық.
Петицияға қалай қол қоюға болады?
- Epetition.kz сайтына кіріңіз.
- Жоғарғы оң жақ бұрышта «кіру» түймесін басыңыз.
- Сізді egov.kz сайтына автоматты түрде жібереді, egov mobile-дағы QR арқылы, телефон нөмірі немесе логин мен пароль арқылы кіруге болады.
- Әрі қарай e-otinish сайтынан сіз туралы ақпарат шығады: аты-жөніңіз, ЖСН, телефон нөмірі. Деректеріңізді растау және өңдеуге рұқсат беру қажет.
- Сіз epetition.kz сайттағы жеке парақшаңызға сәтті кірдіңіз. E-Otinish.kz сізді автоматты түрде epetition.kz сайтына қайта жібереді.
- Өзіңізге қажет петицияны аты бойынша іздейсіз. Соған басыңыз. Төменгі жағынан сіз өтінішті кімге жіберетінін, сипаттамасын оқып, комментарийлер жаза аласыз.
- Оң жақта сіз өтініш берушіні, қолдар санын және басқа ақпаратты көре аласыз. Сол жерде «қол қою» батырмасын басыңыз.
- ЭЦҚ кілтін іздеу үшін терезе шығады.
- Екінші кілтті таңдап, пароль жазып, қол қойыңыз.
- Егер сіз барлығын дұрыс жасаған жағдайда, үстіңгі оң жақ бұрышта «Сіз петицияға сәтті қосылдыңыз» деген жасыл терезе шығады.
Петицияға сайттың мобильді нұсқасынан немесе компьютер арқылы қол қоюға болады.
Заң жобасының негізгі мақсаты – азаматтардың қоғамдық бақылау арқылы мемлекет істерін басқаруға қатысуын қамтамасыз ету.
Еске салайық, 2020 жылы Мемлекет басшысы Қасым-Жомарт Тоқаев онлайн-петициялар үшін бірыңғай платформа құруды тапсырған болатын.