Қырғызстанда тұрмыстық зорлық-зомбылықпен күрес шараларын күшейту мақсатында тәртіп бұзушыларға электронды білезіктер қолдануды енгізу ұсынылды. Тиісті заң жобасын Әділет министрлігі таныстырды, деп хабарлайды Kazinform агенттігінің меншікті тілшісі.
Ведомствоның мәліметінше, құжат тұрмыстық зорлық-зомбылық, оны жасаушылардың мінез-құлқына электронды мониторинг енгізуді, сондай-ақ жәбірленушілермен қарым-қатынасқа тыйым салу және ата-ана құқықтарын шектеу сияқты шектеу шараларының тізбесін кеңейтуді қамтиды.
Заң жобасына сәйкес, уақытша қорғау нұсқамалары мен шектеулердің сақталуын қашықтықтан бақылау үшін техникалық құралдарды пайдалана отырып, шаралар енгізілді. Сот орналасқан жерді 3 айға дейін бақылауды және белгіленген тыйымдарды сақтауды тағайындай алады.
Қорғау нұсқамасының, түзету бағдарламасының немесе электрондық бақылаудағы тыйымдардың талаптарын орындамау қамауға алу мерзімін ұзартумен қоса, қатаң жазаға әкеп соғады.
Уақытша қорғау нұсқамасының, тыйым салулар мен шектеулердің талаптарын орындамағаны үшін қамауға алудың ең ұзақ мерзімін бұзушыларға ықпал етуді күшейту үшін 14 тәулікке дейін арттыру ұсынылып отыр.
Тәртіп бұзушыларға электрондық мониторинг пен бақылауды жүзеге асыру уәкілетті органға жүктеледі. Техникалық құралдарды пайдалану тәртібі мен шарттарын Министрлер Кабинетi айқындайды.
https://kaz.inform.kz/news/kirgizstanda-otbasinda-zhanzhal-shigarushilarga-elektrondi-bakilau-engzlmek-25a3b5/